ਅੰਬਰ ਉੱਪਰ ਪੀਂਘਾ ਬੱਦਲਾ ਦੀਆਂ ,
ਨਾਲ ਸਜਾਕੇ ਰੱਸੀਆ ਤਾਰਿਆ ਦੀਆਂ।
ਪੂਰਨਮਾਸ਼ੀ ਨੂੰ ਪਰਾਂਤਾ ਪਾਣੀ ਦੀਆਂ ,
ਭਰ ਮਨ ਸਰੂਰ ਨਾਲ ਚੰਨ ਅਰਸ਼ੋ .
ਪਰਾਂਤ 'ਚ ਚੰਨ ਪਰਛਾਵਾ ਲਾਹ ਲਿਆ ।
ਖਿਡੌਣਾ ਰੂਪ ਜਾਣ ਚੰਨ ਦੀ ਚਾਨਣੀ ਨੂੰ ,
ਮਨ ਮਸਤ ਖੇਡਣ ਨੂੰ ਮਚਲਾ ਗਿਆ ।
ਤਾਰਿਆਂ ਭਰੀ ਮਹਿਫਲ ਨਾਲ ਚੰਨ ,
ਭੋਂ ਤੋ ਅਰਸ਼ੋ ਪਰਾਂਤ ਵਿੱਚ ਆ ਗਿਆ।
ਖੂਬ ਰੋਣਕਾ ਸਰੂਰ ਮਸਤੀ ਭਰੇ ,
ਮਨ 'ਚ ਵਾਂਗ ਸਵਰਗ ਦੇ ਲਾ ਗਿਆ ।
ਹੋਲੀ -ਹੋਲੀ ਤੁਰ ਅੰਬਰ ਵਿੱਚ ਜਾਪੇ ,
ਲੁਕਣ ਮੀਚੀ ਵਾਂਗ ਖੇਡਣ ਆ ਗਿਆ ।
ਸੋਹਣੀ ਮੁਰਤ ਦੀਆਂ ਸ਼ੀਤਲ ਕਿਰਨਾ,
ੳਧਾਰੀ ਰੋਸ਼ਨੀ ਸੂਰਜ ਤੋ ਲੈ ਕੇ ਆ ਗਿਆ।
ਘਈ ਦੇ ਦਿਲ ਝੋਪੜੀ , ਬਣਾ ਕੇ ਅੱਖੀ ਦੀਵੀਆਂ ,
ਲੋਂ ਤਾਰਿਆ ਦੀ , ਜੋਤ ਵਾਂਗ ਰੁਸ਼ਨਾ ਗਿਆ ।
ਹੱਸਾ - ਖੇਡਾ ਕਰਾ ਚਾਨਣੀ ਨਾਲ ਕਲੋਲਾਂ ,
ਵਿੱਚ ਉਜਾੜੀ ਖੁਸ਼ੀਆਂ ਵਿਖਾ ਗਿਆ ।
ਘਈ ਦੇ ਖਿਡੋਣੇ ਵਾਂਗ, ਮਨ 'ਚ ਸਮਾ ਗਿਆ,
ਖੇਡਾ ਮੈਨੂੰ ਖੇਡਦੀ ਚੰਨ ਨਾਲ ਵੇਖਕੇ ।
ਲਗਦਾ ਚਕੌਰ ਪੰਛੀ ਵੀ ਘਬਰਾ ਗਿਆ,
ਅੰਬਰ ਸੀਨੇ 'ਚ ਭਾਬੜ ਮਚਾ ਗਿਆ ।
ਆਖੇ ਅੰਬਰ ਕੋਣ ਰੀਝਾਂ ਚੰਨ ਨਾਲ ,
ਵਾਂਗ ਖਿਡੋਣੇ ਖੈਡ ਮੌਜਾ ਲਗਾ ਗਿਆ ।
ਅੰਬਰ ਨੂੰ ਸਸ਼ੋਪੰਜ ਵਿੱਚ ਪਾ ਗਿਆ ,
ਕੌਣ ਭਲਾ ਭੂੰਨੇ ਤਿੱਤਰ ਉੱਡਾ ਗਿਆ ।
ਭਰਿਆਂ ਪੀਤੀਆ ਅੰਬਰ ਹੁਣ ਆਖੇ ,
ਕੋਣ ਚੰਨ ਦਾ ਪਰਛਾਵਾਂ ਅੰਬਰ ਤੋ ਭੋਂ ,
ਪਾਣੀ ਭਰੀ ਪਰਾਂਤ ' ਚ ਹੇਠਾ ਲਾਹ ਗਿਆ ।
ਖ਼ਾਨਿਓ -ਖ਼ਾਨਿਓ ਮੁੜ ਆਖੇ ਅੰਬਰ ,
ਅੰਬਰ ਹੁੰਦੇ ਕੋਣ ਚੰਨ ਬਣਾ ਖਿਡੌਣਾ ।
ਸਰੂਰੀ ਰੀਂਝਾ ਕੋਣ ਚੰਨ ਨਾਲ ਲਾ ਗਿਆ,
ਸਰੂਰੀ ਰੀਂਝਾ ਕੋਣ ਚੰਨ ਨਾਲ ਲਾ ਗਿਆ ।
ਬਬੀਤਾ ਘਈ ਜਿਲ੍ਹਾ ਲੁਧਿਆਣਾ
ਫੋਨ ਨੰਬਰ 6239083668
